Еуропадағы патша әулеттерімен байланысты гауһар тас сатылымға қойылады
Sotheby's аукцион үйі Женевада өтетін бәссаудаға бірнеше ірі гауһар тасты қоятын болды. Олардың арасында орта ғасырдағы Еуропаны билеуші әулеттердің тарихымен байланысты «Фарнезе көгі» деп аталатын асыл тас та бар. Сөйтіп шараға қатысушылар алғаш рет ашық сауда арқылы Еуропа патшалараның таққан гауһар тасын сатып ала алмақ. Бұл гауһар тас 1715 жылы, Изабелла Фарнезеге Испания патшасы Филипп 5-мен некелескен кезде сыйға тартылған. Салмағы 6 караттан асатын гауһар тас бірнеше миллион долларға сатылады деп болжанып отыр. Даниэла Маскетти, Sotheby's аукцион үйінің өкілі: - Осы уақытқа дейін Испания, Франция, Италия және Австрия билеушілері әулеттерінің қолында болған бұл асыл тастың 300 жылдық тарихы бар. Бұл туралы тек патша отбасының мүшелері мен жекелеген зергерлерден басқа ешкім білмеген.
