КІТАП – БІЛІМ БҰЛАҒЫ

Жақында Т.Көмекбаев атындағы №250 мектеп-лицейдің 2 «е» сынып жетекшісі Гауһар Шамаеваның ұйымдастыруымен «Кітап – білім бұлағы» тақырыбында ашық тәрбие сағаты өтті.

Онда балалар кітаптың шығу тарихымен бейнеролик арқылы танысып, жұмбақ шешумен сайысты. Сонымен қатар, кітап туралы ереже құрастырып, мақал-мәтел айтудан жарысты. Адам жанының рухани қазынасы болып табылатын кітапты ұқыпты ұстау жайында көрініс қойылды.

Шарада сынып оқушылары Дениз Баймахан, Рахат Әлиев, Ерасыл Әділов, Жанерке Әуесханова, тағы басқалары белсенділік танытты.

Сәрсенкүл РАЙЫМБАЕВА.