Венгрияда басталған парламент сайлауына 1600-ден астам үміткер мен ондаған партия қатысады. Әлеуметтік сауалнама бойынша ел премьер-министрі Виктор Орбан жетекшілік ететін «Фидес» консерваторлық партиясы көш бастап келеді. Сарапшылар бұл партия дауыстың 50 пайызын жинайды деп отыр. Бұлай болған жағдайда қазіргі премьер-министр үшінші мерзімге қалуы мүмкін. Ал екінші орында оппозициялық оңшыл Йоббик партиясы тұр. Айта кетейік, ереже бойынша партия парламентке өту үшін кемінде дауыстың 5 пайызын еншілеуі тиіс.
