Жапония ғалымдары шынының ерекше түрін ойлап тапты

Әдетте шыны шағылған соң қалпына келмейді.
Бірақ жапон ғалымдары кері қасиетке ие шынының жаңа түрін ойлап тапты. Ерекше шыны синтетикалық полимерден тұрады. Мамандар бұл затты желім жасап шығарумен айналысып жатқан кезде кездейсоқ анықтаған. Сөйтіп одан шыны құйып шығуды ұйғарады. Нәтижесінде сынған соң қалдықтарын бір-біріне басып қысса, тез-ақ жабысып қалатын шыны шығады. Ғалымдардың айтуынша, бұл ерекше шыны толықтай бастапқы қалпына келуі үшін 6 сағат уақыт кетеді екен.
Ю Янагисава, Токио университетінің ғылыми қызметкері:
– Жұмсақ, иілгіш материалдан жасалған затты жөндеу оңай. Ал қатты затты қалпына келтіру көбіне мүмкін емес. Мен осылардың әрқайсының өзіндік қасиетін, артықшылығын пайдаландым.

24.kz