30-ға жуық құжат музей қорында сақталмақ

Қармақшы аудандық тарихи-өлкетану музейі - өлкеміздің бай мəдени мұрасын сақтау, оларды зерттеу мен танытуда маңызға ие бірден-бір мекеме. Музейде зерттеу жəне білім беру ісі белсенді түрде жүргізіліп қана қоймай, сондай-ақ мəдени мұрамызды жинақтау, музей қорын молайту мақсатында да қарқынды жұмыстар жүргізіліп келеді. Осы мақсатты жұмыстарды жүзеге асыру бағытында Жосалы кенті Қойшыбаев көшесі #8 үй тұрғыны Назым Сəденовадан қоғам қайраткері, Қармақшы ауданының "Құрметті азаматы", Еңбек ері Жаңаберген Сəденовтың құжаттары, суреттері мен орден-медальдары тапсырылды. Қабылданған 30-ға жуық аталмыш құжаттар музей қорында сақталатын болады.