ӨЗІҢНЕН БАСТА!

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бастамасымен «Рухани жаңғыру» бағдарламасының «Өзгерістерді өзіңнен баста» кіші бағдарламасы аясында облыс бойынша қылмыстық атқару жүйесі департаментінің жас қызметкерлері облыстық тарихи-өлке тану музейін аралады
Елбасының «Болашаққа бағдар: рухани жаңғыру» мақаласында ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс деп айтылған болатын. Қызылорда облысы бойынша Қылмыстық-атқару жүйесі департаментіне қарасты мекемелердің жас қызметкерлерін патриоттық және рухани-эстетикалық тәрбиелеу, ұрпақтар сабақтастығын насихаттау мақсатында Қызылорда облыстық тарихи- өлкетану музейіне экскурсия ұйымдастырылды. Жас қызметкерлер тарихы терең музейде өлкеміздің табиғаты, өнері, тарихы, мәдениеті жайлы сыр шертетін 14 залын аралады.
Мұражай қызметкерлері музейдің экспозициялық залдары бойынша музей қорындағы құнды экспонаттар мен музей тарихынан толық мәліметтер көрсетіп,кеңінен мағұлмат берді. Музей экспонаттары – халық тарихы мен өнерін қамтитын талай замандардың тірі куәлары Халқымыздың рухани асыл қазыналарын жинақтап, өлкеміздің өткені мен бүгінін жалғап отырған рухани мекемеден жас қызметкерлер тамаша әсер алып қайтты.