Музей экспонаттарымен танысты
Ағымдағы жылдың 28 шілдесі күні Қармақшы аудандық пробация қызметінің есебінде тұрған азаматтар аудандық тарихи-өлкетану музейінде болды. Көне тарихтың куәсі болған құнды жәдігерлер сақталған музейімізге келген келушілерді экскурсовод Баршагүл Сахиева қарсы алып, музей экспонаттарымен таныстырды.
Бас бостандығынан айыру орындарынан босатылған және пробация қызметінде есепте тұрған азаматтарды оңалту, қайта әлеуметтендіру, салауатты өмірге ынталандыру және олардың өмірге деген көзқарасын өзгерту мақсатында ұйымдастырылған шараға 10-нан аса азаматтар қатысты. Азаматтар халқымыздың бай мәдениеті мен өнері, этнографиясы жөнінде кеңірек мәліметтер алып, музейдің «Өлке тарихы» және «Тәуелсіз Қазақстан» экспозициялық залдарында орналасқан экспонаттарды тамашалады.
Пробация есебінде тұрған азаматтарды әлеуметтік оңалту, қоғамнан оқшауламау бағытында алдағы уақытта да жүйелі түрде жұмыстар жүргізіліп, жалғасын табатын болады.
Бақыт Оразалиев
Қармақшы аудандық пробация
қызметінің инспекторы
