Шағын футболдан сайыс өтті

Жуырда аудандық орталық стадионда ҚР Конституция күніне орай пробация есебінде тұратын азаматтар арасында шағын футболдан сайыс өтті. Шара аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің әлеуметтік тапсырысына сәйкес «Студенттік жастардың еңбек жасақтары облыстық штабы» қоғамдық бірлестігінің ұйымдастыруымен өтті. Мақсат – есепте тұрған азаматтарды қоғамға бейімдеу. Әрине елде қылмыс көбейгенмен оларды қоғамнан шектеуге болмайды.

– Азаматтардың уақытын бос өткізбес үшін түрлі шара жүзеге асуда. Әрине бұл ең алдымен олардың денсаулығына бей-жай қарамауға, салауатты өмір салтын ұстануға, шапшаң қимылдауға машықтандырады. Мұндай сайыс алдағы уақытта да жалғасын табады, – деді қоғамдық бірлестіктің төрағасы Еркебұлан Тынымбайұлы.