Пробация үйінде Қызылорда қалалық пробация қызметінің есебінде тұрған сотталғандармен кездесу өтті. Оған сала мамандарымен бірге «Жастар еңбек жасағының облыстық штабы» қоғамдық бірлестігінің өкілі Сәдірбек Жұмабеков, қалалық жұмыспен қамту орталығының өкілдері және «Қазақстанның Тұрғынүйқұрылысжинақ Банкі» АҚ облыстық филиалының қызметкерлері қатысты.

Кездесу барысында есепте тұрған сотталғандар өздеріне қажеттіліктеріне қарай жұмысқа тұру, үй алу мәселері туралы сұрақтарын қойып, барлық сұрақтарына тұщымды жауап алды.

Кездесуде «Жастар еңбек жасағының облыстық штабы» қоғамдық бірлестігінің өкілі С.Жұмабеков есепте тұрған 30-жасқа дейінгі азаматтарды жұмыспен қамтуға ықпал жасайтынын және тұрмысы нашар отбасыларға бір жолғы көмектер көрсететінін атап өтті.