ЖАСТАР НАШАҚОРЛЫҚҚА ҚАРСЫ

Байқоңыр қалалық пробация қызметі бөлімі «Шартты түрде» республикалық алдын алу іс-шарасы кезінде есепте тұрған қоғамнан оқшаулаумен байланысты емес жазаларға сотталғандардың арасында Байқоңыр қаласының мәдениет, жастар саясаты, туризм және спорт басқармасымен бірлесе отырып шара өткізді.

Аталған іс-шара кезінде сотталғандар тарапынан алкогольдік және нашақорлық тәуелділіктердің зияндары туралы ақпараттар ұсынылып, дәрігер-наркологпен әңгімелесу жүргізілді. Сотталғандар тарапынан әртүрлі сипаттағы сұрақтар қойылып, дәрігер-нарколог тарапынан тиісінше толық, әрі жан-жақты жауаптар берілді.
Сотталғандар тарапынан жасалуы мүмкін қылмыстық құқық бұзушылықтардың алдын алу бойынша жүргізілген жұмыстар алдағы уақытта өз нәтижесін береді деп сенеміз.