Қазақта «Туған жерге туыңды тік» деген тәмсіл бар. Бұл әрбір адамның кіндік қаны тамған жеріне ерекше сүйіспеншілікті білдіру. Яғни өз Отанын сүйіп, оған қалтқысыз қызмет ету, оның мүдделері мен қауіпсіздігін қорғау болып табылады. Осыған орай Қуаңдария ауылында «Отан сүйгіш ұрпақ – мәңгілік елдің жетістігі» тақырыбында ардагерлер кеңесі мүшелерінің жастармен кездесуі өтті. Онда ауылдық ардагер кеңесінің төрағасы Ешмағанбет Дүйсебаев сөз сөйлеп, жастарды патриоттық сезімге тәрбиелеуде ақыл кеңесін айтты.
–Әрбір қазақ баласында Отанға деген патриоттық сезім болуы керек. «Қазақстан – менің Отаным, оның мен үшін жауапты екені сияқты, менде ол үшін жауаптымын» деген ойды бойына сіңіріп өскен жөн. Туған жерін қастерлеп, қадіріне жете білуі тиіс, – деді ол өз сөзінде.
Кездесу соңында қатысушылардың ой-пікірлері тыңдалды. Ешмағанбет ақсақал жастарға тілегін айтып, батасын берді.
Ерсін СӘДУҰЛЫ