Елімізге тараған қауіпті індет халықты әуре-сарсаңға салғаны белгілі. Бұл жағдайда әсіресе, кәсіпкерлік саласы тоқырап қалды. Дегенмен, жағдай қалыпқа келе бастаған кәсіпкерлерге мемлекет тарапынан жан-жақты қолдау көрсетілуде. Бүгінде осы бағытта бірнеше шешім де қабылданған. Осы шараның аясында шағын және орта кәсіпкерлікке жеңілдетілген несие беру бойынша бағдарлама іске қосылды.Бағдарламаның негізгі шарты жылына 8 процентпен бір жылға несие алуға болады.

Бұл бағдарламаға кімдер қатыса алады?

♦️Егер сіз төтенше жағдай енгізу салдарынан зардап шеккен шағын және орта кәсіпкерлік субъектісі не дара кәсіпкер болсаңыз.

♦️Қаржылық жағдайыңыз күрт төмендеп, өткізілген тауарлар мен көрсетілген қызметтердің көлемінің төмендеп, сатып алушылар тарапынан төлемді кешіктіріп немесе қызметкерлеріңіздің штаттық саны қысқарса бұл сізге жеңілдетілген несие алуыңызға себеп болады.

♦️Дара кәсіпкерлерге 50 млн.теңге. Заңды тұлғалар

3 млрд.теңгеге дейін несие ала алады.

♦️Кепіл мүлік талап етіледі, бірақ кепіл мүлік жеткіліксіз болса «Даму» қоры арқылы несиенің 50 пайызына дейін кепілдендіре аласыз.

Қажетті құжаттар⤵️

✅жеке куәлік

✅Мемлекеттік тіркеу туралы куәлік (сертификат)

✅Салықтар бойынша қарызыңыздың болуы немесе болмауы жөнінде растайтын құжат.