ЖОСАЛЫ, 12 маусым – qarmaqshy-tany.kz Депутатты ел үшін жұмыс істейтін, халыққа жаны ашитын тұлға деп ұқсақ, оны таңдаудың ең тиімді жолы – праймериз іс-шарасы арқылы болмақ. Яғни праймериз дегеніміз – мәслихат депутаттығына үміткерді «нұротандықтар» арасынан таңдау. Демек бұл – алда келе жатқан Мәжіліс және барлық деңгейдегі мәслихаттар сайлауында халық қалаулысы атанғысы келетіндер осы іс-шара арқылы іріктелетін болады. Мұндай тиімді қадам біріншіден, Қазақстандағы саяси реформаның жемісі десек, екіншіден, праймеризде білікті де тәжірибелі тұлғалар сұрыпталып, басқа да бағын сынап көргісі келетіндер үшін оңтайлы жол ашылмақ. 

Праймериз – әлемдік тәжірибеден алынған депутаттыққа үміткерді таңдаудағы озық үлгі.