ЖОСАЛЫ, 12 маусым – qarmaqshy-tany.kz Праймериз қазақ тіліндегі мағынасы – іріктеу деген ұғымды білдіреді. Жаңа термин болғандықтан алғашында үрке қарауымыз заңдылық. Бұган дейін Праймериз деген сөзді біз тек дамыған Батыс елдерінің тәжірибесінен білуші едік. 

Дегенмен тарихқа үңілсек бұған ұқсас игі дәстүрді ата-бабаларымыз кеңінен қолданған. Хан мен сұлтандарды сайлағанда, ел үшін ыңғайлы шешім қабылдау қажет болғанда әр ауыл, әр ру өз игі-жақсыларын таңдап әлгіндей ел ағалалары бас қосқан жиындарға өкілдер жіберген. Сондықтан бүгінгі Праймеризді осы ұмыт болған игі дәстүрдің жаңғыруы деп қабылдаған қисынды. 

Ережеге сәйкес, праймериздің міндеті «Мықты лидерлер-Мықты партия» қағидаты бойынша шынайы және белсенді және бастамашыл азаматтар партия қатарына тарту, кандидаттардың жеке жауапкершілігін арттыру.

"Нұр Отан" партиясының осы бастамасын заман талабына сай өркениетті елдердің тәжірибесіне сүйенген құптарлық іс деп ойлаймын. Сондықтан партия мүшесі болмасыңыз, праймеризге қатысушыларды тіркеу мерзімі аяқталғанға дейін партия қатарына қосыла аласыз.

Партия атынан алдағы сайлауларға ұсынылатын адал, іскер, ел сенетін жас тұлғаларды да іріктеп, мықтыларды тануға мүмкіндік береді деген сенімдеміз!