Елордамыз – Астананың 20 жылдық мерекесіне орай «Нұр Отан» париясы Қармақшы аудандық филиалында бір топ жастарға партия билеттері табыс етілді. «Нұр Отан» партиясы Қармақшы аудандық филиалы төрағасының бірінші орынбасары Д.Буханов мерекемен құттықтап, жастарды Тәуелсіз еліміздің жүрегі – Астанамыздың ел тарихында алатын орнын, «Нұр Отан» партиясының саяси Доктринасындағы жастарымыздың келешегі үшін тарихты, тілді, мәдени, рухани құндылықтарды сақтап, жастар арасында жаңа қазақстандық патриотизмді қалыптастыру жолында қоғамдық өміріне араласып, белсенділік танытып, елжанды азаматтар болуға шақырды. Партия қатарына қабылданған жастар М.Өтебасова, С.Райсовалар партия куәлігі партияның бүгінгі жастарға көрсетілген үлкен сенімі деп білемін - деді. Сонымен қатар бастауыш партия ұйымының төрағалары мен топтық ұйым жетекшілері партиямен үнемі тығыз жұмыс жасап келетіндігін және алдағы атқарылатын жұмыстарға да белсене атсалысатындықтарын жеткізіп, жаңадан қабылданған партия мүшелерін құттықтап, сәттілік тіледі.