Партияшілік таңдаудың жаңа мүмкіндігі

«Nur Otan» партиясы бүгінде барлық деңгейдегі мәслихатқа депутат болуға үміткерлердің алдын ала партиялық тізімін жасақтауға байланысты праймериз өткізуді межелеп отыр. Партия Төрағасы Н.Назарбаев жаңа форматтағы праймеризді өткізуде партия атынан мәселелерді шешуге қабілеті бар ең белсенді ең сенімді мүшелерді анықтауға мүмкіндік беретін таңдау жолы екенін айтты. Сондай-ақ жаңа әдіс тәсілдерге көшу заман талабы болып отыр. 

Демократиялық тұрғыдан қарағанда сайлау жүйесінде жаһандану заманында бүкіләлемдік кеңістікке ұмтылудың бірден - бір жолы осы. Бұл дегеніміз, ел ішіндегі білікті, тәжірибесі мол, саяси ұйымның бағдарламалық құжаттарын жүзеге асыруға қабілетті, халықпен тіл табыса алатын партия мүшелеріне белсенділік танытатын мүмкіндіктің туып отырғанын көрсетеді. Әйелдердің де қоғамдық потенциалының артуына жасалған қадам. Халықпен ынтымақтастық пен сенімнің атмосферасын қалыптастыруда әсіресе, білімді жастарымыз үшін өзін көрсететін, алға ұмтылуға жетелейтін игі бастама. 

Партияішілік таңдау өткізудің жаңа тәсілі көп ізденудің, жаңаға деген айрықша ұмтылыстың нәтижесінде деп ойлаймын.

Қай кезде де тәжірибеге енгізу, зерттеу, зерделеу, ұтымдысын анықтау - басты әрекет екені сөзсіз. Келешекте мемлекетіміздің одан әрі өркендеп дамуы үшін қолдау білдіріп, ниеттес болайық!