Қармақшы ауданы бойынша Әдеп жөніндегі уәкіл Молдабаев Диас Асылбекұлының төрағалығымен бірқатар мемлекеттік қызметшілер қатыстырыла отырып «ADEP» подкаст бағдарламасы аясында «Мемлекеттік қызмет туралы диалогтар» тақырыбындағы жиын өтті.

Аталған жиында мемлекеттік қызметшілер мемлекеттік қызметті өткеру, мемлекеттік қызметтегі әдеп қағидаттары, мемлекеттік қызметшілердің қоғамдық пікірде оң имиджін қалыптастыру, сонымен қатар жұмыс барысында кездесетін қиындықтары мен жеңістері туралы өзекті мәселелерді талқылады.

Өз кезегінде, Әдеп жөніндегі уәкіл Д.Молдабаев мемлекеттiк қызметшiлердiң моральдық-адамгершiлік бейнесiне қойылатын талаптарды жоғарылату, өз іс-әрекеттері мен шешімдерінде халыққа үлгі болу, кәсіби-тұлғалық болмысын жетілдіру және жұмыс тиімділігін арттыру бағытында түсіндірме жұмыстарын жүргізді.