Әдеп кодексінің нормалары түсіндірілді

Қармақшы ауданы әкімінің аппарат басшысы, Әдеп жөніндегі уәкіл А.Нұров Т.Көмекбаев және Қуаңдария ауылдық округі әкімі аппараттарының қызметкерлеріне мемлекеттік қызметшілердің этикалық нормалары мен тәртібін сақтау мәселелері бойынша түсіндірме жұмыстарын өткізді.

Қазақстан Республикасы мемлекеттік қызметшілерінің Әдеп кодексі халықтың мемлекеттік органдарға деген сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлқының алдын алуға бағытталған.

Әдеп жөніндегі уәкіл Айбол Қарасайұлы қызмет барысында этика, әділеттілік, сыпайылық және азаматтар мен әріптестер арасындағы қарым-қатынастың дұрыс болуы мемлекеттік қызметшілер мен келісім-шарт бойынша жұмыс жасайтын мамандардың басты міндеттерінің бірі екенін ескертті.

Сонымен қатар онлайн форматында өткізілген жиында Әдеп жөніндегі уәкіл мемлекеттік қызметшілер мен оларға теңестірілген азаматтар қызметте және жұмыстан тыс уақытта мінез-құлқының негізгі ережелерінің нормаларын сақтау мәселелерін қозғады.

Сондай-ақ, мамандардың назарын мемлекеттік қызметтің әлеуметтік желілерде беделін түсіретін әрекеттерге бармауына жол бермеу керек екенін атап өтті.