Қармақшы ауданы әкімі аппаратының басшысы, Әдеп жөніндегі уәкіл Еркебаев Ерлан Мырзабекұлы аудандық дене шынықтыру және спорт бөлімінің қызметкерлеріне мемлекеттік қызметшілердің этикалық нормалары мен тәртібін сақтау мәселелері бойынша түсіндірме жұмыстарын өткізді.Онлайн қашықтықтан өткізілген кездесудің мақсаты - мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлқының алдын алуға бағытталған. Әдеп жөніндегі уәкіл Ерлан Мырзабекұлы қызмет барысында этика, әділеттілік, сыпайылық және азаматтар мен әріптестер арасындағы қарым-қатынастың дұрыс болуы мемлекеттік қызметшілердің басты міндеттерінің бірі екенін ескертті.Сонымен қатар мемлекеттік қызметшілер мен оларға теңестірілген азаматтар жұмыс және жұмыстан тыс уақытта мінез-құлқының негізгі ережелерінің нормаларын баяндап, өзін-өзі дамыту мәселелерін қозғады. Сондай-ақ, мамандардың назарын мемлекеттік қызметтің әлеуметтік желілерде беделін түсіретін әрекеттерге бармауына жол бермеу керек екенін атап өтті.