ЖЫРАУ МҰРАСЫ НАСИХАТТАЛДЫ

ДҮР ОҢҒАР АУЫЛДЫҚ КІТАПХАНАСЫНЫҢ ҰЙЫМДАСТЫРУЫМЕН АУДАНДЫҚ КІТАПХАНАНЫҢ «COWORKING» ОРТАЛЫҒЫНДА «РУХАНИ ЖАҢҒЫРУ» ТҰҒЫРНАМАСЫ МЕН «ҰЛЫ ДАЛАНЫҢ ЖЕТІ ҚЫРЫ» АТТЫ МАҚАЛАСЫНА ОРАЙ ЖӘНЕ СЫР СҮЛЕЙІ ДҮР ОҢҒАР ДЫРҚАЙҰЛЫНЫҢ 160 ЖЫЛДЫҒЫНА «ЖЫР ДҮЛДҮЛІ – ДҮР ОҢҒАР» АТТЫ ЖЫР КЕРУЕНІ ӨТТІ.

Жиында №107 орта мектептің шә­кірттері жырдан ша­шу шашып, оның өмір жолы мен шы­ғармашылығына тоқталып, на­қыл сөздерін оқыды. Шарада сөз алған Жаңажол ауылдық округ әкімі Әбимүсілім Қоқанов Оңғар жыраудың мол мұрасының тәрбиелік мәнін тілге тиек етті.

– Оңғар Дырқайұлы – өз заманы­ның ақиқат шындығын айта алуымен бірге, шыншылдықтың ғана емес, сыншылдықтың да биік өресінен көрінген тұлға. Жыраулық өнер – біздің ұлттық мәдениетіміздің алтын діңгегі саналады. Жыраудың ұлт­тық өнерін насихаттап жүрген ауылдың жас өнерпаздарына ри­за­шылығымды білдіремін, – деді ауыл әкімі.

Кеш соңында қатысушыларға алғыс хаттар мен сыйлықтар табыс­талды.