Тәуелсіздік бабалардың аңсап күткен арманы. Сол үшін біздің ата-әжелеріміз бен аға-апаларымыз зардап шегіп, қиналды. Ойлап қарасақ, ата-бабамыз осынша тер төгіп, көтеріліске шықпағанда біз тәуелсіздік алмай қалуымыз мүмкін еді. Өздері көрмесе де ұрпағымыз көрсін деп ақ найзаның ұшымен, ақ білектің күшімен елімізді қорғады. Біз сол аталар аманатына берік болуымыз керек. 1986 жылы Желтоқсан оқиғасы болып жатқанда менің әкем дүниеге келген. Әкеме ырымдап, көп ұзамай ел тәуелсіздік алып, бағымыз ашылар, баламыздың жұлдызы биік болар деп есімін Жұлдызхан атапты. Мен қазір ел үшін қызмет етіп жүрген әкеммен мақтанамын. Биыл Тәуелсіздік алғанымызға – 32 жыл толды. Тәуелсіздік алғанда тек Қазақстан халқы емес бізге көршілес, туыстас мемлекеттер де бізбен бірге қуанды. Бауырластықтарын көрсетті. Біз осы бейбіт те берекелі күнімізді бағалап, мақтануымыз қажет. Білімді болып еліміздің өркендеуіне үлес қоса берейік, достар!