Жаңа орталық ашылды
Кітапхана – білімнің бесігі. Қазіргі дамыған елдерде оқырмандарды кітапханаға, кітап оқуға тарту мақсатында бірлесіп жұмыс істеу, қызықты кездесулер мен түрлі басқосулар, адамдардың бір-бірімен пікірлесіп, ортақ тақырыпты талқылау – "COWORKING" орталығында жүзеге асуы заңдылық.Тұрмағамбет ауылдық модельді кітапханасында аудандық мəслихат депутаты Н.Пірмантаевтың демеушілігімен заман талабына сай орталықтың ашылу салтанаты өтті. Бұл орталыққа жаңа жиһаз бен теледидар алынып, тегін ғаламтор жүйесі, Wi-Fi қызметіде қосылған. Сонымен қоса, шахмат, дойбы ойындары да білімпаз жастарға мол мүмкіндік береді.
Шара ауыл əкімі Б.Байбарақовтың алғы сөзімен ашылды. Аудандық мəдениет жəне тілдерді дамыту бөлімінің басшысы Н.Наурызбаева, Т.Ізтілеуов атындағы №29 қазақ орта мектебінің директоры З.Тасымова, Ардагерлер кеңесінің төрағасы Н.Зауытов осы кешке деген ізгі тілектері мен құттықтауларын білдірді.
Басқосу А.Құнанбаевтың 175 жылдық мерейтойына арналған "Абай – кемел ақын, кемеңгер ойшыл" тақырыбындағы əдеби подюмға жалғасты.
Гүлжанат ҚАДЫРБЕКОВА
