ЖОСАЛЫ, 17 желтоқсан – qarmaqshy-tany.kz 16 желтоқсан – Тәуелсіздік күні мерекесіне орай Елбасының «Болашаққа бағдар: рухани жаңғыру» бағдарламалық мақаласы және «Нұр Отан» партиясының «Қазақстан кітапханаларының заманауи білім орталығы» жобасы аясында аудандық Балалар кітапханасы жанынан «COWORKING» орталығы ашылды.
Жастардың уақытын тиімді өткізу, өзара қарым қатынас орнату мақсатында арнайы жабдықталған, заман талабына сай орталықтың мақсаты барлық санаттағы жастардың ақпараттық қажеттілігін жедел қанағаттандыру үшін үздік әлемдік тәжірибені пайдаланып, кітапханалардың жаңа заманауи үлгісін құру болып табылады.
«COWORKING» орталығының ашылуына «Нұр Отан» партиясы Қармақшы аудандық филиалы төрағасының бірінші орынбасары Буханов Дастан Әбдібекұлы, Халықаралық «Қазақ тілі қоғамы» Қармақшы аудандық филиалының төрайымы Раева Гүлжауһар Төлегенқызы, Қармақшы аудандық мәдениет және тілдерді дамыту бөлімінің басшысы Наурызбаева Нұршат Бегежанқызы, мәдениет саласының ардагерлері және ата-аналар мен оқушылар қатысты.