Жаңалыққа жаны құмар Ақтөбе ауылында Қазақстан Республикасының Тұңғыш Президенті Елбасы Нұрсұлтан Назарбаевтың «Рухани жаңғыру» бағдарламасының негізгі бағыттарының бірі – халықтың білімге деген құштарлығын арттыру. «Болашаққа бағдар: Рухани жаңғыру» бағдарламалық мақаласы аясында және «Электронды кітапханалардың біріңғай сандық кеңістігі» партиялық жобасын жүзеге асыру мақсатында Ақтөбе ауылдық модельдік кітапханасында «COWORKING» орталығының ашылды. «COWORKING» орталығының лентасын «Nur Otan» партиясы Қармақшы аудандық филиалы төрағасының бірінші орынбасары Д. Буханов, Ақтөбе ауылдық Ардагерлер кеңесінің төрағасы Ө.Сәденов, «Қармақшы аудандық Жастар ресурстоқ орталығы» КММ директоры Ә.Ыбрахимдер қиды. Салтанатты кешті Ақтөбе ауылдық округінің әкімі Д.Ахметов ашты. Айтыскер ақын С.Әділбеков жырдан шашу шашты. Болашақ тізгіні - бүгінгі білімді ұрпақ қолында. Кітап - білім қазығы, өмір азығы болса, кітапхана - халықты әлемдік өркениетпен таныстырып, ұлттық болмысымызды әлемдік руханиятпен табыстыратын қасиетті орда, сана мен ойдың шамшырақ сарайы. Ақтөбе ауылдық модельдік кітапханасы заман талабына сай жаңаша жабдықталып, "«COWORKING» " айналып отыр. Бұл жетістікті ауыл өміріндегі өркениетке өріс ашқан жақсылықтың нышаны деп білеміз.