Бір үзік сыр...
....Балам бүгін нешесі? Желтоқсанның 9-ы анашым. Жақсы анашым мен жолға жүріп бара жатырмын. Анасын қатты құшақтап тұрып: "Анашым, Алла бұйырса, сізге, жаңа жылға сыйлық ретінде келін әкелемін" деді езу тартып. Асыл анасы Ерболым келін әкеледі деп көпке дейін қуанып жүрді. Бірақ...
Ербол жастайынан ұлтын сүйген, рухшыл намысшыл болатын. Ол желтоқсанда халқының тапталуына, әсіресе қазақ қыздарын қорлағанына шыдай алмады. Желтоқсанда "ҚАЗАҚ ҚЫЗДАРЫНА ТИІСПЕҢДЕР" деп қарсы тұрды жендеттерге. Сырт киімдері жыртылып, шаштары қобыраған қос бойжеткенге ұмтылған мұздай қаруланған жендетті аяқтан шалып құлатып, қыздарды жетектеп, жол жиегіне алып шығады. Тар көшенің бойымен төмен қарай түсе бергенде, артынан қолында сапер күрегі бар екі жігіт қуып жетеді. Ербол қыздарға: «Ештеңеге қайырылмай, тез жүгіріп, үлкен көшеге шығып кетіңдер» деп өзі әлгі екеуіне қарсы тұра қалады. Көзіне қан толған қарулы екеу бас салып, Ерболмен айқаса кетеді. Қолына, иығына тиген күрек соққыларына қарамастан Ербол оларға біразға дейін бой бермейді, бірақ қарулы жендеттер дегеніне жетті... Осылай Ербол 23 желтоқсанда небәрі 22 жасында ауруханада көз жұмады.
