Әбдіжәміл Нұрпейісов – қазақ әдебиетінде айшықты орны бар ұлы тұлға. Өз шығармашылығында ащы шындықты бүкпей баяндап, боямасыз өмірді ұсынды. Туған жерінің табиғатын суреттеген кезде кейіпкермен бірге жүргендей күй кешесіз. Бұл да жазушының ұшқыр қиялы мен өрнекті жеткізе білуінің нәтижесі. Көркем сөздің құдіретін түсініп, оны қалың көпшілікке тамылжытып ұсына алды. Атақты «Курляндия», «Қан мен тер», «Соңғы парыз» атты еңбектері оның айқын дәлелі. Ұзақ жылдар бойы ел игілігіне жасаған ісінің құрметіне «Қазақстанның Еңбек Ері» атағының берілуі заңдылық деп есептеймін. Ел мақтанышына айналған даңқты тұлға қандай құрметке де лайық.