ЕҢБЕККЕ БЕРІЛГЕН ЛАЙЫҚТЫ БАҒА
Аудандық қорғаныс бөлімінің тәуелсіздік жылдарында Қазақстан Қарулы Күштерінің артуына және жастарды патриоттық тәрбиеге, Отансүйгіштік сезімге баулуда орны ерекше. Сонымен қоса, бөлімнің ел қорғау ісінде де атқарып отырған маңызы айрықша.
Осындай жауапкершілігі мол жұмысты жандандырып, сапалы қызмет етуде сала мамандарының біліктілігін атап айтуға болады.
Жақында ұзақ жылдар еңбек етіп келе жатқан мекеменің үш бірдей қызметкері «Еңбек ардагері» медалімен марапатталып, абыройға кенелді.
Олардың қатарында запастағы офицерлермен жұмыс және кадр жөніндегі топ бастығы Еділ Қабақов, осы топтың инспекторы Анаркүл Мұратова, бөлім күзетшісі Әбдірахман Жақсығұловтар бар.
«Әрбір төккен тер мен еткен еңбектің лайықты бағасы болады»,-дейді халқымыз. Міне, қорғаныс саласында 14-35 жыл аралығында шаршамай-талмай қызмет жасаған еңбек ардагерлерінің еңбектері осылайша бағаланғанына біз де қуаныштымыз.
Марапаттарыңыз құтты, еңбек ардагерлері!
Сәрсенкүл ЖАУДАТБЕКҚЫЗЫ.
