Жеңістің тірі куәгері (видео)

qarmaqshy-tany.kz Ауданда Ұлы Отан соғысының жалғыз ардагері - Қуанышбай Бейсенбаев тұрады. Бүгінде ол - 95 жаста. Халықаралық қарттар күнінде қазыналы қарияға үзілмес үрдіске сай құрмет көрсетілді. 

– Соғыстың аты – соғыс. Онда аяушылық болмайды. Сен жауыңды атып түсiрмесең, ол сенi атып түсiредi. Өмiр үшiн жан алып, жан бересiң. Хайдар қаласында құрамында 60-70 адамы бар бiр рота сыртымыздан оқпен атқылады. Қасымыздағы 2 жiгiт сол шайқаста өлім құшты. Әскери тәртiп қатал. Алланың бұйрығы болар, ұрыс даласында жарақат алмадым. Талай күндi аштықпен  өткiздiк. Соғыстан кейiн де өмiрiмiз керемет болды деп айта алмаймын. Соғыстың зардабынан ел қалжыраған, шаршаған еді. Сонда да өмір үшін күресіп, алға қадам бастық. Бейбiт аспанның қадiрiн ешқашан ұмытуға болмайды, – дейдi бүгінде тоқсанның төртеуіне келген Қуанышбай ақсақал.