Мәңгілік елдің – мәңгілік тілі

Ш.Төлепова атындағы аудандық мәдениет үйінде «Мәңгілік елдің – мәңгілік тілі» атты мерекелік шара өткізілді.Жиында аудан әкімінің орынбасары Еркебұлан Қайырбекұлы құттықтау сөз сөйлеп, тіл жанашырларын аудан әкімінің алғыс хатымен марапаттады.

Сонымен бірге, Халықаралық «Қазақ тілі» қоғамы аудандық филиалының төрайымы Күлжауһар Төлегенқызы филиал атынан түрлі салада белсенділігімен көзге түскен қызметкерлерге алғыс хат табыстады.

Мерекелік шара аудандық мәдениет үйі жанындағы «Халық театрының» ұйымдастыруымен поэзиялық-лирикалық кешке жалғасып, қазақтың ұлы ақындары Абай Құнанбайұлы, Мұқағали Мақатаев, Фариза Оңғарсынова, тағы да басқа ақындардың өлеңдері оқылып, көрермендерге керемет көңіл-күй сыйлады.