» » » ЕЛОРДА КҮНІ ТОЙЛАНДЫ

ЕЛОРДА КҮНІ ТОЙЛАНДЫ

   Күллі Қазақстан халқының қуанышына айналған мемлекеттік мереке – Нұр-Сұлтан қаласының туған күні қашанда өрлік пен өрістеудің, жасампаздықтың символы. Жыл сайын үрдіске айналған бұл мереке ескерусіз қалмады.
Аудан орталығындағы мәдениет үйінде «Туған күніңмен, сүйікті қалам» атты салтанатты шара өтті. Шараның шымылдығын ашқан аудан әкімі Сұлтан Мақашов кент тұрғындарын айтулы мерекемен құттықтап, ыстық лебізін жеткізді.
   – Нұр-Сұлтан қаласы ең қысқа мерзім ішінде салынып, бүкіл еліміздің қарышты дамуының нышанына, жаһандық сәулет өнеріндегі бірден-бір қайталанбас «Ғасыр жобасына» айналды. Осы жылдар ішінде астанамыз халықаралық бейбітшілікті сақтаудың ордасы болды. Халықаралық саммиттер, Еуропадағы Халықаралық Ынтымақтастық форумы, «ЕХРО-2017» халықаралық көрмесі, Астана декларациясының қабылдануы, Сирия дағдарысының шешімін табуы үшін жүргізілген келіссөздер бейбітшілікті жақтайтын ел ретінде әлемдегі өз орнын айқындады. Қазақстанның Елордасы Нұр-Сұлтан қаласы бүгін міне мәңгілік елдің символына айналды. Қазақ елінің жүрегі мәңгі соғып, одан әрі гүлдене берсін, – деді аудан әкімі.
    Салтанатты шара одан әрі облыстық филормония өнерпаздары мен аудандық мәдениет үйінің жас таланттары дайындаған концерттік бағдарламаға ұласты. Бишілер мың бұрала би билесе, әншілер жырдан шашу шашып, аудан жұртын шаттыққа бөледі.
 
                                                                                                                   Ерсін СӘДУҰЛЫ
10 шілде 2019 ж. 61 0

PDF нұсқалар мұрағаты

№54 (9806)

19 шілде 2019 ж.

№53 (9805)

15 шілде 2019 ж.

№52 (9804)

10 шілде 2019 ж.

Хабарландыру

ЕСКЕРТПЕ

ЕСКЕРТПЕ

19 шілде 2019 ж.

Сұхбат

Суреттер сөйлейдi

ФОТОЭТЮД
04 шілде 2019 ж. 124

Жаңалықтар мұрағаты

«    Шілде 2019    »
ДсСсСрБсЖмСбЖс
1234567
891011121314
15161718192021
22232425262728
293031