АЙТЫСКЕР АҚЫН САХНАҒА ІШІП ШЫҒАТЫН ӘНШІЛЕРДІ СЫНАП ТАСТАДЫ

 Əнші əрі айтыскер ақын Елена Әбдіхалықова бүгінде сахнаға ішіп алып шығатын әншілердің іс-әрекетін еркелік деп қабылаудың қате екенін айтты. Нəзира Бердалы жүргізетін "Сырласу" бағдарламасына берген сұхбатында, әркім өз мәдениетінің деңгейіне қарай іс-әрекет жасайды дейді. "Біз қазір еркелік пен есерлікті шатастырып алдық. Біреу жаман сөз айтса, мас болып сахнаға шықса еркелік деп қабылдайды. Бұл еркелік емес, бұл - есерлік. Көрінген жерде анау да иығынан тартып суретке түсіп, мынау да жеңінен тартып суретке түсіп қарапайымдылықты қарабайырлықпен шатастырып алды. Бұл да әркімнің деңгейіне байланысты. Бұрын біз үлкен кісілердің бетіне қарауға именетінбіз, қазір келіндердің өзі сәлем салмақ түгілі, "здрасьте" деп өтеді. Бұл иба мен инабаттан ажырап қалғанымызды көрсетеді. Біз осы жеткен жетістігімізге мәдениетіміз сай болуы керек. Ұлттық дүниелер кейінге қалып қалмау керек. Менің өмірімнің бар трагедиясы осы",- деді әнші.