Пай-пай, шіркін, қазақтың келіндері-ай!
"Наурыз" мерекесіне орай Ақай клубы үйінде Халықаралық "Қазақ тілі" қоғамдық бірлестігінің Байқоңыр филиалы "Пай-пай, шіркін, қазақтың келіндері-ай!" атты мекемелер арасында келіндер сайысын өткізді. Келіндердің ізеттілігін, инабаттылығын бағалау, заман талабына сай ұлттық өнер мен өнегеге баулу мақсатында өтілген 5 кезеңнен тұратын бұл сайысқа 11 келін қатысып, өзінің сахнаға шығу мәдениетімен, өзін-өзі ұстауы, сөйлеу мәнері мен сөз саптауымен, керемет өнері мен білімімен ерекшеленген келіндер 6 номинациямен марапатталды.
Бас жүлде "Инабатты келін-2019" номинациясын 279 мектептің мұғалімі Дәуіржанова Салтанат жеңіп алды.
1-орын "Өнегелі келін " 85 мектеп мұғалімі Смагулова Гаухар
2-орын "Парасатты келін " номинациясымен 275 мектеп мұғалімі Есалиева Гүлзат
3-орын "Өнерлі келін" және "Сымбатты келін " номинациясымен Айбосынова Сырғаш "С.А. Жиенқұлов атындағы Байқоңыр колледжі" оқытушысы мен Куатова Шырынкүл 274 мектеп мұғалімі бөліссе, "Көрермен көзайымы " номинациясымен 273 мектеп мұғалімі Орымбаева Гүлмира және белсенділік танытып сайысқа қатысқан 5 келін алғыс хатпен марапатталды.
Барлық сайысқа қатысушы келіндер бағалы сыйлықтармен және Байқоңыр қалалық Әділет басқармасының дайындаған арнайы сыйлықтарымен марапатталды.
