Лирик ақын, поэзия патшасы Мұқағали Мақатаевтың туған күніне орай Төребай би ауылының №106 орта мектебінде «Жырлайды жүрек» атты әдеби-сазды кеш өтті. Мақсат – өшпес із қалдырған ақиық ақынның өмірі мен шығармашылығына тереңінен бойлау, айналаны әсемдікке баулу, поэзия сырын ашу.

Кеште 4-10 сынып оқушылары ақын шығармашылығынан өлеңдер оқыса, мектебіміздің жас ақындары Жансая Асанова ақынның «Ана сен бақыттысың, жыламағын», Ернар Әбдіғаниев «Үш бақытым», Ақерке Бекбергенова «Шыда, шыда» өлеңін мәнерінде орындады. Аталмыш шара жыл бойы дәстүрлі түрде өтеді.