ӘНМЕН ӘРЛЕДІ
Елбасы Н.Назарбаев үстіміздегі жылды «Жастар жылы» деп жариялады. Осыған орай жастарды патриоттыққа, отансүйгіштікке тәрбиелеу мақсатында Т.Салқынбайұлы атындағы әуез мектебінде «Өнерім – өмірім» атты кеш өтті.
Мектеп басшылығы ұйымдастырған өнер кешінде Алматы қаласындағы Құрманғазы атындағы мемлекеттік консерваторияның 2-курс студенті Жансая Пірназарова, Қорқыт ата атындағы ҚМУ-дың түлегі Руслан Өтегенов, Қазанғап атындағы музыкалық колледждің студенттері Индира Бопажаева, Нұрислам Ахметов, Мадияр Жасаңбаев, Нұршат Қылышбаева, Мөлдір Жаңаберген, Мөлдір Асылбекова, Оспан Әлтаевтар шетел және қазақ композиторларының шығармаларын, күйлерін орындап, өнерлерін ортаға салды. Құдыреті күшті музыка әлемі көрерменнің жан дүниесін тебіренткені сөзсіз. Жиынға аудандық білім бөлімінің әдіскері Ақтолқын Тоқшылықова қатысып, жүрекжарды лебізін білдірді. Сондай-ақ, мектеп директоры Талғат Қуаңбаев студенттерге ризашылығын білдіріп, сыйлықтар табыстады.
Бағдагүл МӘДЕНОВА,
аудандық әуез мектебі директорының
тәрбие ісі жөніндегі орынбасары.
