Ерен еңбек иесі
1 мамыр – Қазақстан халқының бірлігі күніне орай орталық алаңда кең көлемді мәдени-көпшілік шара өтті. Аталған мерекелік іс-шара аясында музей қызметкерлері «Ерен еңбектің иесі – Цай Ден Хак» атты тақырыптық көрмені көпшілік назарына ұсынды.
Көрмеде Социалистік Еңбек Ері Цай Ден Хактің өмір жолы, қажырлы еңбегі, кәсіби жетістіктері мен ел дамуына қосқан елеулі үлесі жан-жақты таныстырылды.
Сондай-ақ келушілерге еңбек ерінің тұтынған заттары, тарихи құжаттар, фотоматериалдар және мұрағаттық деректер арқылы оның өнегелі өмірі кеңінен насихатталды.
Шараға қатысушылар көрмені қызығушылықпен тамашалап, тарихи мәліметтерден мол мағлұмат алып, ерекше әсерге бөленді.
