ӘН МЕН ӘУЕНГЕ ТОЛЫ ӘСЕРЛІ КЕШ
Бүгін Шамшат Төлепова атындағы аудандық мәдениет үйінде аудан әкімдігінің қолдауымен танымал әнші Кеңес Әлімжанның шығармашылық кеші өткізілді.
Кеш барысында өнер иесі өзінің елге кеңінен танымал әндерін орындап, көрерменге ерекше көңіл-күй сыйлады. Әсерлі әуендер мен жанды дауыста шырқалған туындылар халықтың ыстық ықыласына бөленіп, рухани кештің мазмұнын байыта түсті.
2 сағатқа созылған өнер кешіне аудан тұрғындары көптеп жиналып, мәдени шараға өз ризашылықтарын білдірді.
Ұлттық өнерді дәріптеуге бағытталған шара барысында көрермендер өнер иесіне алғыстарын айтып, ыстық ықыластарын жеткізді.
Қармақшы ауданы әкімінің баспасөз қызметі
