ӨНЕРІМЕН ӨРГЕ ЖҮЗГЕН ТАЛАНТЫ ӨРЕНДЕР
Баланың балалық шағы дұрыс болса, келешегі де оң болары даусыз. Ал бүлдіршіннің қарым-қабілеті, өнер-өнегесі бөбекжай, мектеп қабырғасында жүрген кезден-ақ байқалады. Сондай талабымен, талантымен талайды тәнті етіп жүрген оқушылардың өнерге деген сүйіспеншілігі ерекше. Өнер десе ішкен асын жерге қоятын кішкентай балғындар болашағынан көп үміт күттіреді.
Осы орайда Қармақшы ауданының білім бөліміне қарасты Т.Салқынбайұлы атындағы өнер мектебінің, ІІІ Интернационал ауылындағы бөлімшесінде ұйымдастырылған жазғы күндізгі тынығу лагерінде "Күй шежіре" тақырыбында лекция концерт өтті. Лекция концерт барысында оқушылар күйшілердің өмірбаяны және шығармашылығымен танысып, күйлерін орындап, өнерлерін ортаға салды.
