Жазғы лагерь - бақытты балалық шақтың бір көрінісі

"Алтын балалық шақ" декадасы аясында С.Есқараев атындағы №27 орта мектебінің "Балдырған" күндізгі тынығу лагерінде "Бала еңбегін қанауға қарсы 12 күн" акциясына орай "Бақытты бала - бақытты ел" ашық есік күні өткізілді.

Ашық есік күніне аудандық білім бөлімінің әдіскері А.Тоқшылықова, мектебіміздің ардагер ұстазы Т.Жұмабаева, аудандық емхана психологі Ә.Кетебаева, мектепішілік ата-аналар кеңесінің төрайымы Д.Аманжоловалар қатысып, оқушылар дайындаған қуыршақ театрының қойылымын, дебат клубы мен спорттық лагерь жұмыстарын көріп, оқушылардың өнерлерін тамашалады.