АҚЫН МҰРАСЫ МӘҢГІЛІК
Биыл – қазақтың кемеңгер ақыны, ойшылы Абай Құнанбайұлының туғанына 180 жыл. Осы атаулы дата аясында «Адал адам» тұжырымдамасының «Арт уақыт» бағыты бойынша Көшеней Рүстембеков атындағы Жыраулар үйінің ұйымдастыруымен «Абайды оқы, таңырқа!» тақырыбында көркемсөз оқу шеберлерінің аудандық фестивалі өтті. Оған ауданымыздағы 21 білім ошағынан 37 талапкер ұсыныс беріп, Абайдың қырық бес қара сөзін жатқа, мәнерлеп айтып, көрермен қошеметіне ие болды.
Абай шығармашылығын кеңінен насихаттап, оның философиялық мағынасын тереңірек түсінуге бағытталған іс-шараға қатысушының барлығы аудандық мәдениет және тілдерді дамыту бөлімі басшысының арнайы дипломдарымен марапатталса, жетекшілерге де алғыс хат табысталды.
Ақын шығармашылығындағы мәнді ойлар мен адамгершілік қағидалары бүгінгі күнде де өзектілігін жоймай келеді. Кейінгі ұрпаққа да бұл шығармалар мұра болып қала бермек.
«ҚТ» ақпарат
