Еліміздің бірқатар азаматы «Парасат» орденінің иегері атанды

Бүгін Астанада ҚР мәдениет және спорт министрі Арыстанбек Мұхамедиұлы әдебиет пен өнерге, еліміздің мәдениет саласына еңбегі сіңген бірқатар азаматты Қазақстан Республикасы Президентінің жарлығы бойынша «Парасат» орденімен марапаттады.

Елбасы жарлығымен марапатталғандардың қатарында:

Мұхтар Әуезов атындағы Қазақстан мемлекеттік академиялық драма театрының әртісі Төлеубек Аралбай;

Ғ.Мүсірепов атындағы Қазақстан мемлекеттік академиялық балалар мен жасөспірімдер театрының әртісі Роза Әшірбекова;

«Шәкен Айманов атындағы «Қазақфильм» АҚ бөлім бастығы Болат Қалымбетов;

Кинорежиссер Алексей Каменский;

Суретші Болат Құсайынов;

Жазушы Есенғали Раушанов;

Ғалым, археолог Зейнолла Самашев;

Сазгер, күйші Секен Тұрысбеков;

Бұл қатарда даңқты әртіс, әйгілі Меруерт Өтекешова да бар.