КҮЙ - ҚҰДІРЕТ, ЖЫР - КИЕ

"Адал адам" мәдени-тәрбие орталығының "Арт уақыт" жобасы аясында, К.Рүстембеков атындағы Жыраулар үйінің ұйымдастыруымен "Күй - құдірет, жыр - кие" тақырыбында Т.Салқынбайұлы атындағы балалар әуез мектебі мен К.Рүстембеков атындағы Жыраулар үйінің шәкірттері арасында интеллектуалды сайыс болып өтті.

Аталмыш сайыстың мақсаты - жастардың дәстүрлі ұлттық музыкалық өнерге қызығушылығын, ынтасын, зейінін арттыру, алған білімдерін тереңдету және ой-өрістерін кеңейту.

Кент орталығындағы балалар әуез мектебі мен Жыраулар үйінің шәкірттерінің бір-бірімен тығыз байланыста жұмыс жасауына мүмкіндік туғызу.

Сайыста екі топ /күй және жыр/ 6 кезең бойынша бақтарын сынады. Әр топқа 5 оқушыдан қатысып, алдын-ала дайындалған түрлі сұрақтарға, тапсырмаларға жоғары деңгейде жауаптар беріп, ерекшеленді. Сайысқа төрелік еткен төрешілердің ұйғарымымен екі топ та үздік деп танылып, дипломдармен марапаттады.