Дәстүрлі өнер сабақтастығы
К.Рүстембеков атындағы "Жыраулар үйінде" "Қорқыт" қобыз үйірмесінің жетекшісі Зияда Жаңабергенованың ұйымдастыруымен үйірме шәкірттерінің арасындағы "Дәстүрлі өнер сабақтастығы" атты интеллектуалды ойын өткізілді.
Танымдық ойынның мақсаты - жастардың дәстүрлі ұлттық музыкалық өнерге қызығушылығын, ынтасын, зейінін арттыру, алған білімдерін тереңдету және ой-өрісін кеңейту,логикалық ойлау қабілеттерін дамыту . Үйірме шәкірттері қойылған сұрақтарға дарынды қабілеттерімен жауап беріп, қобыз , домбыра аспаптарында шығармаларын орындап сабақтың танымдық деңгейін арттырды. Шара соңында барлық шәкірттердің топтар атауы бойынша алғыс хаттар мен сыйлықтар тапсырылды. Аудандық мәдениет және тілдерді дамыту бөлімінің басшысы Ержанов Дәурен Дауылбекұлы шәкірттерге ықылас лебізін білдірді.
