Жамиғы қазақ бір туған

Елбасының "Рухани жаңғыру. Болашаққа бағдар" мақаласы аясында, Қармақшы аудандық Көшеней Рүстембеков атындағы Жыраулар үйіне қарасты Акжар ауылындағы "Рүстембек жырау" үйірме жетекшісі Балтабай Бедебаевтың ұйымдастыруымен Базар жырау Оңдасұлының 185 жылдығына орай, жыраудың өмірі мен шығармашылығына арналған "ЖАМИҒЫ ҚАЗАҚ БІР ТУҒАН" тақырыбында танымдық ашық сабақ өткізілді.

Танымдық сабақтың мақсаты - үйірме шәкірттерінің танымдық белсенділіктерін арттыра отырып, шығармашылық қабілеттерін дамытуға жағдай жасау.

Ашық сабақ барысында үйірменің жетекшісі Б.Бедебаев Базар Оңдасұлының шығармаларынан жыр-терме орындап, үйірменің дарынды шәкірттері ұстаздың орындаған жыр-термесін қайталап нақышына келтіріп орындап берді.