Дәстүрлі өнер сабақтастығы
Елбасының "Рухани жаңғыру" мақаласы аясында Қазақстан Республикасы Тәуелсіздігінің 30 жылдығына орай К.Рүстембеков атындағы жыраулар үйінің ұйымдастыруымен аталмыш тақырыпта жастардың дәстүрлі ұлттық музыкалық өнерге қызығушылығын, ынтасын, зейінін арттыру, алған білімдерін тереңдету және ой-өрісін кеңейту, логикалық ойлау қабілеттерін дамыту мақсатында интеллектуалды сайыс болып өтті.
Сайыста К.Рүстембеков атындағы жыраулар үйі директорының орынбасары Бидас Үрістембеков, аудандық мәслихат депутаты Айдынбек Скендіров және аудандық Тұрымбет Салқынбайұлы атындағы балалар әуез мектебінің мұғалімі Жарқынбек Тұрымбетов төрелік етті. Сайыс қорытындысымен қатысушы барлық топқа "Өнерге қанат қаққандар", "Сыр сүлейлерінің ізбасарлары", "Талаптың мініп тұлпарын" номинациялары берілді. Шараны кәсіпорын директоры Амандық Бүрлібаев қорытындылады.
