Торқалы 95 жылдықтың шашуы: Жақұт жырмен саф өнердің сәнін кіргізген "Қасиетті мекен - Қармақшым" атты жыраулар фестивалі өтті

qarmaqshy-tany.kz Торқалы тойға арналған мерекелік шаралардың легі «Қасиетті мекен – Қармақшым» атты аймақтық жыраулар фестивалімен жалғасты.

Жампоз жырдың рухани көкжиегін жасасқан өнердің көшбасшылары, республикаға танымал белгілі жыршы-жыраулар Алмас Алматов, Ұлжан Байбосынова, Амандық Бүрлібаев, Ақерке Өтепбергенова, Майра Сәрсенбаева, Серік Жақсығұлов, Айгерім Ешбаева, Әділхан Қуаңбаевтар фестивальге нәр беріп, жыр сүйер қауымға тағылымды таным сыйлады.

Фестивальді қорытындылау сөзінде аудан әкімі Жандос Еркінбекұлы баба өнердің ізгілік туын жоғары көтеріп жүрген қасиетті жерден түлеген аты үш жүзге мәлім ақын-жырауларымызға алғысын білдіріп, Сыр сүлейлерінің жыр күмбезі одан әрі тұлғаланып, жарқырай түсуіне тілектестігін білдірді.

Тағылымды шараға қатысқан барша жауһар жырдың жасаушыларына мерекелік алғыс хаттар табыс етті.

Қармақшы ауданы әкімінің баспасөз қызметі