Фестивальді аудандық мәдениет және спорт бөлімінің басшысы Дәурен Ержанов ашып, ақынның өмір жолынан естелік айтып, шығармашылығына тоқталды.

Одан әрі жыр кеші аймағымыздың әр өңірінен жиналған Әлижан Болатбек, Аңсаған Ділдабекқызы, Әлішер Мырзағалиев, Малика Алдамжарова, Фариза Хасенова, Шұғыла Мархабатова және басқа да жас жыршытермешілер ақынның шығармаларын, жыр-термелерін нақышына келтіре орындап, көрермендерге көтеріңкі көңіл-күй сыйлады.

Тағылымы мол болып өткен өнер фестивалінің қорытындысында аудандық ардагерлер кеңесінің төрағасы Асқар Мереков жас жыршы-термешілерге аталық ақ батасын беріп, ыстық ықыласын арнады және арнайы сый-сияпаттар тапсырды.