Қармақшыда өнер байқауы болып өтті
qarmaqshy-tany.kz Бүгін Ш.Төлепова атындағы аудандық мәдениет үйінде Қармақшы ауданының 95 жылдығы аясында «Жастар жалыны» атты мәдениет саласы жастарының арасындағы өнер байқауы болып өтті.
Байқауға кент, ауылдық клуб үйлерінен жас мамандар қатысып, бақ сынасты. Байқау 2 кезең бойынша өткізілді. Қазылар алқасының шешімімен байқаудың Бас жүлдесін Дүр Оңғар ауылдық клуб үйінің үйірме жетекшісі Арыстанбек Аймереке иеленді.
Ақжар ауылдық клуб үйінің көркемдік жетекшісі Жүнісов Азамат І орын, Төретам кенттік клуб үйінің көркемдік жетекшісі Төлебаева Назерке ІІ орын, Төребай би ауылдық клуб үйінің көркемдік жетекшісі Молдахметова Ұлболсын ІІІ орын, Ақтөбе ауылдық клуб үйінің көркемдік жетекшісі Ерлан Наргиз "Жас талант" номинациясымен марапатталды. Барлық қатысушыларға бағалы сыйлықтар мен дипломдар табыс етілді.
