qarmaqshy-tany.kz Бүгін аудандық мәдениет үйінде Сыр сүлейлерінің ізбасары, дарынды жырау Шамшат Төлепованы еске алу құрметіне арналған «Домбырасын моншақтаған жыр жауһарлары» атты қыз-келіншектердің облыстық жыр фестивалі өтті.

Жыр фестивалін аудан әкімінің орынбасары Жұлдызхан Байназарұлы ашып, қатысушыларға сәттілік тіледі.

Фестиваль аясында Зәуре Кәрібаева, Майра Сәрсенбаева, Айгерім Ешбаева және басқа да дәстүрлі жыршы қыз-келіншектер Шамшат Төлепованы еске ала отырып, халыққа рухани дем беріп, сан ғасырлар қойнауында жатқан саф өнерді дәріптеді.

Фестивальдің қорытынды кезеңінде аудан әкімінің орынбасары барша қатысушыларға алғысын білдіріп, аудан әкімінің алғыс хаттарын табыстады.