Театр - нағыз тәрбие мен мәдениет ошағының ордасы

qarmaqshy-tany.kz Театр – нағыз тәлім - тәрбие мен тағылымның ортасы. Киелі өнердің ордасына бас сұққан бала мәдениетті де үйренеді.Сахнаға көз тіккен бала өмірді көреді. Өзінің өнері арқылы әр халық ұлттық болмысынан, өмір сүру салтынан хабар береді. Сондықтан басқа өнер түрлері сияқты театр өнері де қоғамдық ой - сананың, адами дүниетанымның жемісі болатыны сөзсіз.

Осы орайда бүгін Қармақшы ауданы бойынша білім бөлімінің ұйымдастыруымен Ш.Төлепова атындағы аудандық мәдениет үйінде білім беру ұйымдарының "Мектеп театры" жобасы жетекшілерімен "Театр тәрбие мен мәдениет ошағы"тақырыбында тәжірибе алаңы өткізілді. Жиынға Ш.Төлепова атындағы аудандық мәдениет үйінің әдіскері Бекеева Ақерке және аудандық мәдениет үйі жанынан құрылған Халық театрының режиссеры Махамбетұлы Мадияр қатысып, өз тәжірибелерімен бөлісу мақсатында жиын өткізді.