Бейнероликтер байқауы қорытындыланды

Қармақшы аудандық мәдениет және тілдерді дамыту бөлімінің қолдауымен, Ш.Төлепова атындағы аудандық мәдениет үйінің ұйымдастыруымен 2021 жылдың наурыз айында 8 наурыз – Халықаралық әйелдер күні мерекесі қарсаңында белгілі меценат Ы.С.Нұртаевтың бастамасымен 2020 жылы қолға алынған «Аналарды ардақтайық» жобасы аясында «Анаға сәлем» атты аналар туралы бейне роликтердің аудандық онлайн байқауын өткізген болатын. Аталмыш байқауға қатысушыларды Орталық алаңда орналасқан "Ана мен бала" ескерткішінің жанында аудандық мәдениет және тілдерді дамыту бөлімінің басшысы Дәурен Дауылбекұлы Ержанов, Ш.Төлепова атындағы аудандық мәдениет үйінің директоры Арнұр Көшенейұлы марапаттап, қаржылай сый-сияпаттарын тапсырды.